Friday, August 12, 2011

ඩඟරං ටං..... ඩඟරං ටං.....

"නෑ නෑ මල්ලි, තමුසෙලව ඇතුලට ගන්න බෑ. දන්නෙ නැද්ද ඕයි, දැන් අපිටත් එක්ක දඩ  ගහනවා"
බස් කොන්දොස්තර මොරදෙන්නට විය.

"අනේ අයියෙ මම ඉක්මනට බැහැලා යන්නං..."

"ඔන්න ඔහෙ ඇතුලට ගනින් බං..." ඒ බසයේ රියදුරුය.
"හා හා නගිනවකෝ එහෙනං, අනේ මංද ඕයි තමුසෙලත්"

මූණ පුරා රැවුල වවාගත්, බෝතල් අඩි කණ්ණාඩි දමාගත් කොල්ලෙක් බසයට ගොඩවිය. ගංජා ගැසූවෙක් මෙන් එහෙට මෙහෙට පැද්දුන ඔහු, සතියක් පමණ නොනිදා සිටියකු මෙන් සෙස්සන්ට දිස්විය.ටී-ෂර්ට් එකක් හා ඩෙනිමක් ඇඳහුන් ඔහුගේ කරේ බෑගයකි. උරහිසේ තවත් බෑගයක් වූ අතර එහි ඉදිරිපස පොකට්ටුවට අත දැමූ ඔහු එළියට ගත්තේ විරිඳු රබානකි.

උගුරේ රැල් බුරුල් හැර සියලු දෙනාටම මංද හිනාවක් පෑ ඔහු, රබාන වාදනය කරන්නට ගත්තේය.

ඩං රඟර්ර්ර්ර් ටං ඩං රඟර්ර්ර්ර් ටං//

සරසවි නැත වරම් දීල තාලෙට කවි පද කියන්න [ඩඟරං ටං..... ඩඟරං ටං..... ]
ගණදෙවි නැත නුවණ දීල හරි පාරක් හොයා ගන්න  [ඩඟරං ටං..... ඩඟරං ටං..... ]
කිසි දෙවියෙක් හිටියේ නෑ අන්තිමෙ මා ගොඩට ගන්න  [ඩඟරං ටං..... ඩඟරං ටං..... ]
පිටරැටි සුද්දෝ හොයපුව තමයි හිටියෙ පිහිට වන්න

 [ටට්ට ඩඩ්ඩ ටට්ඩඩටං...... ටට්ට ඩඩ්ඩ ටට්ඩඩටං...... ]

හමබ කරපු හැම සතේම institute පුදල තමා [ඩඟරං ටං..... ඩඟරං ටං..... ]
අම්ම අප්ප එකතුවෙලා මෙතනටවත් ගත්තෙ මෙ මා [ඩඟරං ටං..... ඩඟරං ටං..... ]
මොරටු, කොලඹ, කැළණියෙනුත් මං වගෙ උන් බුරුතු එනා [ඩඟරං ටං..... ඩඟරං ටං..... ]
එහෙම එන්න මට බැරිවුනෙ මං පෙර කල කරුමෙ තමා

 [ටට්ට ඩඩ්ඩ ටට්ඩඩටං...... ටට්ට ඩඩ්ඩ ටට්ඩඩටං...... ]

නැකැත් බලල පුංචි කාලෙ කිව්ව අකුරු මතක නැතේ [ඩඟරං ටං..... ඩඟරං ටං..... ]
ජවා, සී, සී ප්ලස් ප්ලස් ඒ වෙනුවට මතක ඇතේ [ඩඟරං ටං..... ඩඟරං ටං..... ]
ලැන්වේජස් ඕනෙ එකක් එක්කල මම ඔට්ටු වෙතේ [ඩඟරං ටං..... ඩඟරං ටං..... ]
ASP, PHP කැස්සහමත් දොට්ට එතේ

 [ටට්ට ඩඩ්ඩ ටට්ඩඩටං...... ටට්ට ඩඩ්ඩ ටට්ඩඩටං...... ]

ඩේටාබේස්, සර්වර් කේස් කරන්න නෑ කිසිම බයක් [ඩඟරං ටං..... ඩඟරං ටං..... ]
ඇනලයිසින්, නෙට් වර්කින් මෙව්වෑනුත් ඕන එකක් [ඩඟරං ටං..... ඩඟරං ටං..... ]
ප්‍රින්ට් කේස්, ඩිසයින් කේස් නන් පුලුවනි ටිකක් ටිකක් [ඩඟරං ටං..... ඩඟරං ටං..... ]
කොම්පියුටින් කිව්වෝතින් මම කරනව ඕන දෙයක්

 [ටට්ට ඩඩ්ඩ ටට්ඩඩටං...... ටට්ට ඩඩ්ඩ ටට්ඩඩටං...... ]

වේකන්සියකට දැම්මම එකම එකට සීයක් උන් [ඩඟරං ටං..... ඩඟරං ටං..... ]
පෝලිම් විය ඇවිත් ඇවිත් ගන්නේ නෑ ඔක්කොම උන් [ඩඟරං ටං..... ඩඟරං ටං..... ]
පාරින් පාරට ඉන්නව දුසිම් දුසිම් අයි ටී උන් [ඩඟරං ටං..... ඩඟරං ටං..... ]
ආරංචිය තව එනවලු ඉස්සරහට මං වගෙ උන්

 [ටට්ට ඩඩ්ඩ ටට්ඩඩටං...... ටට්ට ඩඩ්ඩ ටට්ඩඩටං...... ]

චේන් කඩල, පොකට් ගහල නෑ මම හොර වැඩ කරන්නෙ [ඩඟරං ටං..... ඩඟරං ටං..... ]
ෆිෂින් කරල, හැකින් කරල නෑ කෙනෙකුට දුකක් දෙන්නෙ [ඩඟරං ටං..... ඩඟරං ටං..... ]
මමම කරල මමම හදල පොඩි software එකක් දෙන්නෙ [ඩඟරං ටං..... ඩඟරං ටං..... ]
මෙ දුක අහල පිං සළකල පුලුවන්නං එකක් ගන්නෙ

 [ටට්ට ඩඩ්ඩ ටට්ඩඩටං...... ටට්ට ඩඩ්ඩ ටට්ඩඩටං...... ඩං..... ]


රබාන බෑගයේ ඔබා ගත් ඔහු එම බෑගයෙන්ම ලැප්ටොප් කම්පුටරයක් හා සී.ඩී  දෙකක් එළියට ගත්තේය.
ලැප්ටොප් එක දිගෑරගත් ඔහු, එහි තිරය ඉදිරියට හරවා නැවතත් කතාකරන්නට විය

මහත්තයෝ...,
මහත්තයෝ මේ තියන්නෙ මමම හදපු ඇප්ලිකේෂන් දෙකක්. මේ හැම එකක්ම කීප සැරයක්ම ටෙස්ට් කරලා බොහොම සාර්ථකයි කියල සහතික කරලා තියන්නෙ. මේ වගේ එකක් කඩෙන් ගන්න ගියොත් එකක් රුපියල් 500ක් 600ක් වෙනවා. මම මේ දෙකම දෙන්නෙ රුපියල් 700කට. කැමති කෙනෙක් ඉන්නවානං කතාකරල ඉල්ලන්න. මීට අමතරව  වෙන ඕනෙම වර්ගයක සිස්ටම්, ඇප්ලිකේෂන්, වෙබ්සයිට් වගේ  හැම දෙයක්ම මම කරනවා. මං වගේ කොල්ලෙක්ට ජීවත් වෙන්න පොඩි උදව්වක් කරන්න
පුලුවන්කමක් තියනවානනං ලොකු පිනක්...

එසේ කියූ ඔහු තවත් සී.ඩී කිහිපයක් අතට ගෙන බසයේ ආසන එකින් එක ලඟට ගොස් බසයෙන් බැසගිය අතර ඒ සිටි සෑම කෙනාටම තමගේ විසිටින් කාඩ්පතක් දීමටද අමතක නොකළේය.

ප.ලි :
මේක සමහර විට ගොඩදෙනෙක් දැකලා ඇති. අයිතිකාරයොත් ගොඩක් ඇති. කරන්න දෙයක් නෑ. April 14, 2011 at 10:41pm ලිව්වට පස්සෙ මම ආයෙත් මේක ලිව්වා :P
මෙන්න මුලින්ම ලිව්ව note  එක  මීට කලින් ලිව්ව එකක් හම්බුනොත් මටත් කියන්න :P
 

19 comments:

  1. maxah idea eka.. aiyye parana ewa dana gaman aluth ewath dammoth narakada, lagadi aluth mokuth liwe nea ne :D :D

    ReplyDelete
  2. maxxxxxxxxxxxxxxxxxxxxaaaaaaaaaaaaaaaaa


    elay elay broooo

    keep it up...

    ReplyDelete
  3. මේ පෝස්ට් එකේ කොපියක් හෙන ප්‍රසිද්ධ බ්ලොග් එහෙකත් උපුටා ගැනීමක් විදිහට ගිහින් තියෙනව. ඒ උඹ ෆේස් බුක් එකේ ලියපු පාර කවුරුහරි උස්සලා ෆෝවර්ඩ් කරපු එකක්. එනිසා මේක අන්තිමට පොඩි නෝට් එකක් දාපං මේ ඔරිජිනල් පෝස්ට් එක කියල. උඹේ ෆේස්බුක් නෝට් එකටත් ලින්ක් එකක් දීපං!

    ReplyDelete
  4. මේකම මං රංග අයියගේ බ්ලොග් එකේ පෝස්ට් එකක කියවලා තියෙනවා.

    මෙන්න ලින්ක් එක.

    ReplyDelete
  5. අහා.. ඇත්තටම මේක ඔයාගේ ද?? මමත් කළින් කියවලා තියෙනවා.. අපි වගේ එවුන්ට පුදුම ගැලපිමක් තියෙන් නේ ඔය පොස්ටි එකේ... එ වගේම මේ වගේ ගොඩාක් නිර්මාණ කරන්න සුභ පතනවා... :)

    ReplyDelete
  6. හැමෝටම ස්තූතියි!
    …ඔන්න රචියා කිව්ව විදිහට fb note එකේ link එක දැම්මා :)

    ReplyDelete
  7. අඩේ . . . මේක උඹේද ???? මැක්ස ඈ. . . . .
    මුචලින්දය බුකියෙ දීල තිබ්බ ඔත්තුවකට තමයි මේපැත්තෙ ආවෙ . . . . . ආවට පාඩු නෑ . . . .දිගටම ලියමු

    ReplyDelete
  8. එල එල ඔහොම යමු.................... මගේ උන්සුම් සුබ පැතුම්!

    ReplyDelete
  9. එල එල.... දිගටම ලියන්න.

    ReplyDelete
  10. සුපිරි කියන්නේ උපරිම සුපිරි.....
    ජය සහෝ.....

    ReplyDelete
  11. ලියමු මචං!!! අදයි මුචා මේක ගැන කිව්වෙ!

    ReplyDelete
  12. සිරා!!! සිරා!!!
    …සුබ!!!!

    ReplyDelete
  13. එළ මචංලා......
    …හැමෝටම ස්තූතියි!!!!
    …@ඕනයා: හී හී, මගෙ තමයි බං :) ස්තූතියි !!

    ReplyDelete
  14. පට්ට යි මචං කොල්ලෝ.........සුපිරි....

    ReplyDelete
  15. උපරිමයි ලොක්කා..!!

    ReplyDelete
  16. thnx බොලල්ලා....... :)

    ReplyDelete
  17. අවාසනාවට ඇත්ත කතාවක් ඩඟරං ටං..... ඩඟරං ටං.....
    සුපිරි සහෝ...........

    ReplyDelete